Një punonjës policie në burgun e Fushë-Krujës është arrestuar pasi u kap me lëndë narkotike brenda institucionit të vuajtjes së dënimit.
Ai është shtetasi me inicialet B. M, lindur në 26 shkurt të vitit 1993, banues në Luz të Krujës.
E gjithë kjo ndodhi pas indicieve dhe informacioneve që disponoheshin që më parë nga Drejtoria e Shërbimit të Kontrollit të Brendshëm në Sistemin e Burgjeve se ky punonjës policie merrej me aktivitet të kundraligjshëm, si futja e lëndëve narkotike në regjimin e brendshëm të I.E.V.P – së Fushë Krujë.
Po ashtu, u ushtrua kontroll në banesën e tij ku u gjet dhe u sekuestrua edhe një sasi tjetër prej 17. 92 gramë lëndë narkotike Canabis Sativa.
Nga ana e SHKBB-së po vazhdon kryerja e veprimeve hetimore për përfshirjen e personave të tjerë të implikuar në këtë ngjarje.
