Ballina Aktualitet Alarmi i ambientalistëve, plastika “kanos” planetin

Alarmi i ambientalistëve, plastika “kanos” planetin

Të përballur me imazhet e breshkave të mbuluara me qese plastike, plazhe të mbuluara me mbeturina, dhe ishuj mbeturinash që pluskojnë nëpër oqeane, ambientalistët thonë se bota ka urgjentisht nevojë për të luftuar ndotjen prej plastikës, që po e kanos rëndë planetin.

Balena e kapur në Indonezi, me gjashtë kilogram plastikë në stomak, po e sjell ndotjen plastike në qendër të vëmendjes. Megjithatë, ekspertët e mjedisit janë optimistë.

Ekspozimi do ta bëjë problemin e plastikës të vështirë për t’u injoruar, dhe vëmendja do të përqendrohet tek mënyra më e mirë për t’u marrë me mbeturina të tilla.

Tetë milion ton plastikë derdhen në oqeane çdo vit, sipas një studimi në revistën Science. Por kjo është vetëm sasia e plastikës që vjen nga toka, tha Francois Galgani, studiues në institutin francez Ifremer, duke vlerësuar se dy milionë ton mund të vijnë nga anijet, veçanërisht nga anijet e peshkimit.

“Si pasojë, më shumë se 700 specie kryesisht ujore janë të ndikuara, duke përfshirë breshkat që ngatërrojnë qeset plastike me kandilat e detit me të cilët ushqehen,” – tha Galgani.

Bashkimi Evropian dëshiron të ndalojë disa lloje plastikash një përdorimshe deri në fund të vitit 2021.