Pas 12 vitesh arrati, 55-vjeçari shqiptar Ilir Plaku është ekstraduar në Itali.
Edhe pse ishte në kërkim Plaku vazhdonte jetën normalisht.
Ai kërkohej nga Italia, që prej 2009 si pjesë e një bande trafiku droge.
Pas një periudhe qetësie policia italiane rinisi kërkimet për 55-vjeçarin, duke e gjetur përmes monitorimit të rrjeteve sociale të tij dhe të afërmëve të tij në Komunën e Rrashbullit.
55 vjeçari mësohet se jetonte në luks bashkë me familjarët. Fotot që e futën në kurth e tregojnë mes luksit dhe i veshur me veshje të shtrenjta.
Operacioni, i filluar disa ditë më parë, u zhvillua në bazë të indikacioneve të siguruara nga karabinierët e Compagnia di Bianco. Kjo lejoi forcat e policisë shqiptare, me koordinimin e Interpol, të gjurmonin dhe arrestonin Ilir Plakun.
