Ballina Kronikë 10 policë penalizohen për futjen e makinave kontrabandë

10 policë penalizohen për futjen e makinave kontrabandë

Prokuroria e Tiranës, Drejtoria e Doganave dhe Shërbimi i Çështjeve të Brendshme dhe Ankesave me një deklaratë të përbashkët për mediat kanë dhënë detaje për goditjen e paligjshmërisë në pikat kufitare të vendi, kryesisht në Qafë Botë, por edhe në pikat e tjera, ku janë dokumentuar disa raste kontrabande.

Sipas tyre, disa persona kanë shkelur ligjin duke futur mallra dhe makina kontrabandë në Shqipëri pa respektuar asnjë nga rregullat e zhdoganimit.

Nga ky hetim janë zbuluar edhe 10 punonjës policie me shkelje të rënda, ndërsa ndaj tyre janë marrë edhe masat përkatëse.  Katër prej tyre janë lënë në burg dhe 6 të tjerë janë pezulluar nga detyra.