Vladimir Putin ka “thyer heshtjen” dhe është shprehur se “operacioni ushtarak” i Rusisë do të ndalet vetëm nëse kërkesat e Rusisë përmbushen.

Ndër të tjera kreu i Kremlinit shpreson se negociatorët ukrainas do të marrin një “qasje më konstruktive dhe do të marrin parasysh realitetin”.

‘Qasja konstruktive dhe realiteti’, është bërë e ditur nga një zëdhënës i Kremlinit.

Zëdhënësi i qeverisë shtoi gjithashtu se Putin tha se çdo përpjekje për t’u tërhequr nga negociatat do të dështojë.

Konfirmohet, po nga zëdhënësi i Kremlinit, se Putin tha gjithashtu se operacioni ushtarak i Rusisë në Ukrainë “po shkon sipas planit dhe vetëm sipas planit”.

Një aksident me pasojë vdekjen është regjistruar pasditen e së dielës në Tiranë.

Bëhet e ditur nga njoftimi i policisë se një 20-vjeçar me inicialet O. S ka humbur drejtimin e automjetit me të cilin po udhëtonte sëbashku me një tjetër të ri 20-vjeçar.

Aksidenti ka ndodhur në zonën e njohur si “Shkalla e Tujanit”. Mësohet se viktima është Kejdi Koci nga Zall-Bastari.

“O. S., 20 vjeç, pasi duke drejtuar mjetin e tij, ka humbur kontrollin mbi drejtimin e mjetit duke dalë nga rruga, dhe si pasojë ka humbur jetën pasagjeri i mjetit, shtetasi K. K., 20 vjeç.”- njofton policia.

Lajme tragjike vijnë nga Ukraina. Konsullata e Përgjithshme Greke në Mariupol është goditur gjatë ditës së. Sulmi ndodhi para një stacioni policie, duke vrarë të paktën 12 persona. Nga burime qeveritare greke mësohet se jashtë godinës ka ndodhur një shkëmbim zjarri.’Stafi i konsullatës së bashku me konsullin janë transferuar në një strehë të sigurt’, thonë burime.

Konsulli grek në Mariupol, Manolis Androulakis, mësohet se është në gjendje të mirë shëndetësore dhe ka kontaktuar autoritetet greke përmes telefonit satelitor. Prej rreth një jave shërbimet e Konsullatës së Përgjithshme të Greqisë janë transferuar në godinën ku strehohej Misioni Special i Mbikëqyrjes së OSBE-së në qytet, i cili u godit nga përleshjet në rrugë mesditën e së dielës.

Ministri i Punëve të Jashtme, Nikos Dendias ka kontaktuar me Sekretaren e Përgjithshme të OSBE-së Helga Maria Schmidt dhe është diskutuar për strehimin e shërbimeve dhe koordinimin për krijimin e korridoreve humanitare nga qytet.

Të hash shëndetshëm nuk është gjithmonë e lehtë, por mund ta gjesh zgjidhjen! Disa nga ushqimet që janë të preferuara nga të gjithë, në të vërtetë të ndihmojë edhe nëse je në periudhë diete. Më poshtë, janë disa nga ushqimet e preferuara, të shijshme që jo vetëm do të pëlqejnë, por edhe do të ta mbledhin pak belin.

Çokollata e zezë

Ndryshe nga qumështi dhe çokollata e bardhë, varianti i çokollatës së zezë është i pasur me minerale dhe ka përmbajtje të ulët të kalorive dhe sheqerit.

Kokoshkat

Nëse ke nevojë për karbohidrate, atëherë kjo është një zgjidhje e mirë. Kokoshkat njihen për përmbajtje të ulët yndyre dhe kripe, kanë pak kalori, por janë shumë të pasura me fibra. Për t’i shijuar edhe më tepër, kokoshkave shtoji pak pipër dhe vaj ulliri, ose pak djathë. Kështu do t’i shijosh më shumë dhe t’u japësh një aromë të këndshme.

Vera e kuqe

Nuk është shaka, nëse po mendon kështu. Sipas një studimi të Washington State University, vera e kuqe është e njohur për kthimin e “yndyrës së bardhë” në “yndyrë bezhë”, e cila është më e thjeshtë për t’u djegur.

Avokado

E pasur me vitamina dhe vlera të larta ushqyese, yndyra të shëndetshme, avokadot janë një prej ushqimeve më të mira. Studimet kanë treguar se njerëzit që hanë më shumë avokado janë më të shëndetshëm, por edhe ndihen më të ngopur pas konsumit të avokados, gjë që i ndihmon për të qëndruar sa më gjatë pa ngrënë.

Rritja galopante e çmimit të karburanteve në vend ka nxitur zemërim në popullatë, ndërsa aludohet se sektori i hidrokarbureve po përfiton padrejtësisht në kurriz të konsumatorit shqiptar. Në lidhje me këtë çështje ka reaguar Shoqata e Shoqërive të Hidrokarburave e cila e ka cilësuar si të padrejtë sulmin ndaj këtyre shoqërive. Në një deklaratë për shtyp theksohet se rezerva 3 mujore është e detyruar me ligj, por çmimi i naftës në treg del sipas bursës korrente dhe se aktualisht Shqipëria ndodhet në mes të një lufte eksportesh. Gjithashtu kjo shoqatë ka deklaruar se mund të ketë në vijim rritje të tjera të çmimit por brenda një periudhe 3 mujore do të gjenden burime të reja furnizimi dhe eksporti duke çuar në ulje të cmimeve.

Deklaratë për shtyp:
Duke ndjekur me preokupim situaten e luftes ne Ukraine dhe krizen qe po e shoqeron ate ne
mbare globin, shprehim shqetesimin tone per sulmet e padrejta qe i drejtohen sektorit te tregtimit
te karburanteve te cilat behen pa nje analize te plote dhe te thelluar te gjendjes aktuale te krizes
se cmimeve te lendeve te para ne te gjithe boten, ku dhe Shqiperia pa dyshim nuk mund ti rri larg
ketyre efekteve.
Ne fakt te gjitha vendet sot, ku cdo ekonomi eshte e integruar me njera tjetren, po perballen
me nje inflacion ne rritje e qe ka pesuar nje rritje te pa pritur e te metejshme sidomos ne 10 ditet
e fundit me ngjarjet e Ukrahines. Nje nga sektoret e goditur me shume eshte ai i energjise ne
teresi kryesuar nga karburantet dhe gazi. Per vete specifiken e zonave ku shtrihen burimet
kryesore per kete sektor lidhur me vendin tone sqarojme konsumatoret dhe te gjithe opinionin
publik:
Se pari furnizimi i tregut eshte i garantuar per vete pergjegjesine e operatoreve perpara
konsumatorit jo vetem me rezervat ligjore 90 ditore por dhe ne vazhdim pasi operatoret e kesaj
fushe qe ne fillimin e kesaj krize kane arritur te shkepusin furnizimin nga kompani qe burimet i
kishin nga Rusia drejt atyre kompanive qe kane burime nga vende te tjera kryesisht arabe.
Se dyti cmimet nga bazat grosiste dalin cdo dite me bursen korente dhe marrin rritje graduale
te koordinuar me rezervat qe ka gjendje ne pikat e karburantit me furnizimin e ri por fatkeqesisht
rritja e cmimeve ne burse javen e fundit ka qene galopante (sqarojme se rezerva tre mujore qe
mbahen si mbas ligjit eshte gjithnje ne depo fizikisht por cmimi kurre nuk mund te mbyllet ose
fiksohet vetem ne diten qe hidhet ne treg per konsum).
Se treti cmimet vertete kane arritur rekord historik dhe krahasohen me krizen e viteve 70te por
kush deshiron vertete te kuptoj qarte qe jemi jo ne nje krize por ne nje lufte ne zemer te eksportit
boteror te karburanteve dhe sic mund te kemi akoma rritje ashtu mundet qe situata dhe te
qetesohet. Ne afat shkurter 3-4 muaj me shume siguri eshte, se presioni do rritet mbi vendet e
Opec per te hedhur ne treg sasite e munguara te Rusise, keshtu qe kompanite boterore dhe si
rrjedhoje edhe ato shqiptare do gjejne rruge dhe marredhenie te reja e cila do sjelli stabilizimin e
cmimeve.
Me respekt
Shoqata e Shoqerive te Hidrokarbureve

Sot po zhvillohen zgjedhjet e pjesshme vendore në disa bashki. Por duket se procesi nuk po vijon si duhet dhe kjo e kushtëzuar edhe nga moti. Gjithashtu raportohet edhe për disa incidente.

Kreu i KQZ-së Ilirjan Celibashi doli në një deklaratë për shtyp ku theksoi:

“Disa informacione paraprake për fillimin e procesit zgjedhor në 6 bashki. Procesi i hapjes së Qendrave të votimit është pa ndonjë problematikë të theksuar. Jemi në proces monitorimi të vazhdueshëm në këto 6 bashki. Problematikat e evidentuara deri më tani 2 QV në Shosh e Pult në të cilat nuk ka filluar votimi për shkak të mungesës së komisionerëve që nuk kanë mundur do të shkojnë për shkak të situatës atmosferike. Në Shalë po identifikohen manualisht votuesit dhe në Shkodër nga 250 QV ka filluar në 247. Në 3 qendra votimi nuk po votohet”, deklaroi Celibashi

Në Dibër 101 QV dhe tek të gjitha ka filluar procesi. Kemi problem në Kastriot e Kala të Dodës me energjinë elektrike për shkak të motit. Në Durrës ka filluar votimi në të 337 qendrat e votimit. Në një qendër votimi po kryhet identifikimi pa pajisjen pay edhe pse duhet të prisnin nëse ka probleme deri në 2 orë.

Në Vorë janë hapur të 44 qendrat e votimit dhe po votohet normalisht, nuk ka asnjë problem si me identifikimin dhe votimin elektronik, në Rrogozhinë ka filluar në 55 qendrat. Edhe në Lushnjë por votohet në 157 qendrat e votimi. Në 5 qendra ka probleme me kamerat e vëzhgimit dhe pajisjen pay. Në një qendër votimi po votohet jo nëpërmjet pajisjes së identifikimit elektronik. Është raportuar incident në Dibër dhe Durrës që lidhen me mënyrën sesi anëtarë e administrojnë procesin atje po pa ndikim në proces.”

Në një takim të zhvilluar sot me personelin femra të aviacionit rus, presidenti Vladimir Putin është shprehur:

“Sanksionet ndaj Rusisë janë njësoj si deklaratë lufte”.

“Pasojat e e një konflikti të mundshëm midis Moskës dhe NATO-s janë të qarta për të gjithë’ shtoi ai duke shpjeguar më pas se ‘operacioni në Ukrainë po vazhdon sipas planit”.

Ndërsa në lidhje me armëpushimin Putin shpjegoi se “puna e korridoreve humanitare, veçanërisht ajo e Mariupolit, pengohet nga nacionalistët ukrainas”.